Car amis de Coumboscuro,

   encuéi, ent'enjournquiàr e pin de souléi, i nou sén buta en cerqui d'entourn de na taulo, per vous escrive tou-quatre parole. Es na belo journado de belìè, i pra de l'adréch i soun sterni de balarot. Amis noste, coumo sarìen urous se vou ne pouéssen manda en bel boch, pianta ente na grosso mouto de néu! Maq ihe avén brusa

lou noste arbou de Natal e, denan de dounaie lou fuèq, ai siéi pê avén fach tres biéi chichou de néu. Coumo éren ardi! Avien i'uéi rouss, vert e bleu. L'arbou a fach na'belo flamo e nous, d'entourn, batìeni man. I  valosche mountàvén aute ent'al ciel: i'avé viste?

   Magrao vous avaré jo sentu preicar de la Rapresentacioun Sacro que recitén tuchi i ann, à Natal. Aquest'ann sén ana en ben prou de post de la piano e decò dai fraire patoisant de Stròp. Se n'àute Natal vené-pi troubanou, vou ne pariarén uno ente la nosto parlado. Parei i nou troubarén-pi tuchi ente la nosto guieiséto de Sancto  Lucìo,  coumo l'ista passa, per lou IV Encountre Piemount-Prouvenço.

   Alouro sì que nous amusarén tuchi ensém, à tirasse de néu!

E fasarén de bele gambriole, coumo Anselmo, que quarque vinque isto piantà ente la  néu, di chambe chapuéi. E al po' pu garàsse.

   Mantené-vou tuchi ardi e voulé-nou sempre ben.