Anà pr aqui pr acò, bou i artéi strech

la man 'nt la boullo, a l'ubac e a l'adrech,

anà pr aqui, bou la caramignolo

viéio, e dedìn lou lachin que s'arsòlo;

 

anà pr aqui e pa savé 'nt anà;

la Villo, lou Sartìn, doui tre rouà,

en pàu quiamount a pa gaire quiavàl

('nté la squouollo i'é bono, ma i'a...i val!)

 

minjà bounoùro, ai! la poulento e toummo,

péi bève, a panso mollo, bou lou mourre,

que 's bòuco e 's lavo, e pr...dlegerì...courre!

Anà paréi l'é miei qu'anà pr Roummo!