Car fraire e frairět de Coumbosouro,

sén mai ici tuchi ensèm - aqui de l'Escolo e de l'Ateìer de sculturo - per divou quarcoso. I countinuen a scrivenou de tuchi i cant per lou journàl o acò i nous fai courage, sourtoù couro i nous escrì-ven i escoulàr de i aute escòle. I'na parìo de journ que lou poustìn nous a douna na grosso velòpo.

Ero de l'escolo de Strop (Val Mairo), la primo qu'a respoundù al noste envit e sén ben urous de

faie post da pê a nousiauti, su se Coumboscuro. Gramacis, amisetos Denisio, Rito, Eleno e Secoundino!

    Denàn de Natal soun vengu trobanou i amis Gaetano Di Sales e Gustavo Buratti. Nous avén recita e chanta e Buratti nous a prouieta i foutougrafie dal sìou lounq viage en Cino e en Japoun.Es ista na journado d'or!

  Justo ìe es vengu de Marseiho lou proufessour Guy Martin, per counoùissenou. N'ome pu piasént! Nous a fach preica e a enregistra i nuésti discours.Sén ista ensèm tout lou journ e a vourgu sente quarque estorie. Ma la pu bèlo i nous sén pa encala cuentàilo. I'es aquesto: en sero de luno pìno mountàven de l'escolo per i noste viète. Alouro avén dich al pu pichot: "Mounto s'aquel quistagnìe coun aquesto armèlo (1) de cordo, apres la tires chabàl e nousiauti mountén decó con tu. Quiel es mounta su se la pouncho e nous a brama: "Mi d'ici su véu la Prouvenço!"- Sì que se sén decò rampigna nousiauti sal quistagnìe! Smiàven tanti ousselét que soun encaro nin bon a voula.

 Voulén encaro dir na coso: l'arcort que nous avé laissa tuchi vousiauti que sé vengu troubanou ou que nous avé escrich, se ten fresq e vìou ente nous, chapuéi d'aquesto coumbo. Es per acò que vous espetén tuchi en bel journ ente nosto pichoto Sancto Lucìo.

 

L'ESCOLO E L' ATEÍE DE SANCTO LUÇÍO