O moun paì, t'scie leugna! O pchot borzà,

qu'estimmou tant, at poiou pa mai vè!

Dins cet bèl vièlle, entendou pa parlà

nì d'ma mountagna, ni d'mou frechs devè...

E a languìssou un barun...Lous èu virà

touzourn da cair de Prazalà, soulè

a vè ou mou peroun a travaglià

abou gran pen la terre...oh, se pougué

voulà coumà un ouisèl, vourrìouc a mèi

de ma famiglie tsèir, d'la zoì zouvì

inatenduè d'ma zent e de mou vei...

Vourrìou lous embrassà, lou dir d'tsousètta

fa mill carèssa, e peu baisà mou pzì

tapazeurs de frairo, e ma sourètta!

 

 

Aqueste sounet es està escri dins lou luen 1882 e bessai es la proumièro pouesìo dins lou patoua e de la Val Clisoun. Zouslin èro un pichot paisan cala en 1882 à Turin e soun cor plouravo douçamen per la nostalgìo de soun oustau. Aro Zouslin noun sera pu vivènt...mai sa vouès es aquelo di touti li pichot di nosti mountagno. E es bèu que "Coumboscuro", journalet de na drudo escolo mountagnardo redoune vigour a-n-aquesto vouès...? coume se siguesse un aucelet gela e fatiga que vèn luen e, qu'apres es esta recaufa dins li paumo d'un bot enfant, reprendré soun vol.