Car amis de Coumboscouro,

   uro que i fau de nosto valado solun desfueià e la mountagno i es touto strià de beoule bianque, nousiati de l'Esbolo de Sancto Luçìo e  de l'Atelìe de sculturo tournén a pensar a i amis e ai letour de dapê e de luen. D'apres dal lour encourajamént avén mai arpià a travaià per lou noste journalét, que intro ent al soun ters an de vito. Sperén que i "mantenaire del l'Esolo dòu Po" i nou mànden encaro i lour bele pouesìemper "Coumboscuro". I pu pichuét, couro arubo lou poustìn, courren sempre a veire s'i a carcarén e ìsten coun na brancho del nas couro al dì: "I'a ren!".

   Alouro fen scoure la loungo filo de cartouline que nous a mandà lou noste amis Gustavo Buratti - i'a gaire- d'en pau tuchi i cant dal mound. Al nous ha scrich: "Prouvençau de luěn, o fraire!" E nous avarìen vourgù troubasse, ensém, a toute i gent di mountagne, barounà ente na souleto rouà, a preicar encaro la nosto belo lengo, qu'i es la pu belo marco de  fratelanço.

   Sén spantià su se tout l'arc alpin. Nou sepàren i roche, ma nous joung lou ciel. E nous vou mandén noste salut dal founs de la nosto coumbo que forse - coumo quarcùn a scrich - i'es nin tan scuro, ma decò en pau quiaro, perchè i avén viscà na pichoto lumiero d'esperanço. Magaro Natal que ven, nou troubaré, nous o vous, tuchi d'entourn dal lume, coun i quistagne chaude si janoui. E foro i stele sarén grande sous toute  i rouà!