Ent aquest numre de journalét, uro que l'escolo iés esquasi fenìo, voulén ciamàu se lou noste "Coumboscuro" vous es agradì.Voularìen sabé da i escoular di escole ente se preico la nosto parlado, se lou noste journalét ie enteresso.

   Ben fitou, "Coumboscuro" intraré ent al soun ters an de vito en patuà. Per l'an nouvel spetén dco la vosto coulabouracioun. Se pouésse dco mandanou quarcoso di voste valade, nous sarìo ben agradì, e si numre que anarén pareisse farìen dco na picioto ou grando piasso a i voste coumpousicioun. Tout acó perché lou noste e lou voste bel patuà, que i soun fraire e igual, vassen nin muère.

   Sabén que "Coumboscuro" ies arubà a i escole de mountagne, de Val Vermenagno a Val de Suso e al sarìo enteressant que coun l'an nouvel al pourtesse dco i vuèsti scric en patuà, que sarìen la vous di vuèsti pais, di voste valade.

   Lou mestre ou la maestro di vuèste escole, qui an agù encàro mai que na vinco lo journal, magaro vous avarén preicà de "Coumboscuro" e vous avarén dic i noste entencioun. Chi sa que vous ajùten pa a scrivenou!

   Uro que l'escolo i se fenis augurén do tout noste cor a tuci i escoular bone vacance e...au reveire! OUBLIÈ PAS DE NOUS ESCRIVE!