I pal de la luce, nìe, ferm, tourzù,

couren ciapuéi de la mountagno,

porten la ragno

di fil si crest desert e patanù.

 

Spareisen per dareire, s'l'aute vers

d'la costo, encountro a soun destin,

dlai dal counfin

de l'ourizunt, en brass a l'univers.

 

I jour d'istà, quoro touto la tèro

stoufà de ciaud, sméio endurmìo

e àn cièl gounfìo

man man lou tempoural e fai belièro

 

me pìo na pêno, na desperacioun

veire levasse la barrièro

ancà pu nièro

di pal sù se la nèbio de ciarboun.

 

Proucessioun d'oumbre dure, desperà,

'mprisounà ent'an bram sènso vous,

soun tante crouss

qu'i s'perdin ent al mound de l'aldil< >