"Per la glori dou terraire..."

Mistral

 

Aquest an troubé lou noste giournal scricc en patouà.Smaraviéu nin, porqué nous, se preiquén lou patouà,  i nous sentén dapertout coumo ente nosto caso, ente nosto valado.

Ent aquisti temp i nouo sen butà a far de pouèsiè en patouà o trouben que dìen ben acò qua sentén.E toute i vinque que anen far noste recitacioun ent i teatrou (porqué nous sen na' coumpagnio de atour ben degourdì!), apres di coumedie saién d'nan di tende e disén fort i noste pouèsie coun na coummoucioun, coun en sentiment que nous ven propi dal cheur, perqué ià d'din touto l'affecioun per lou noste pais.

Apres tuci ensem, ciantén la ciansoun de "La coupo!" en prouvençau. I'es uno ciansoun facio da. Mistral, que ent al soun pais.al preicavo co empaupres coumo nous. Mistral es istà lou pu grant pouèto de la Prouvenço e un di pu grant de tout lou mount. Al à nin desdegnà de preicar la lengo de sa tèrro, lou prouvençau: na lengo ben difrent dal francés, e a là facc counouisse soun patouà ente tout lou mount, Lou soun pu gros travai es en pouèmo, "Mireio", que préico de na fiho de Prouvenço, na pauro fiho de la tèrro coumo nousiauti, qu'i'es anà murì ent al pin de la giouventù.

Nous voulén, coun aquest giournalet fa counouisse lou noste patouà ent i pais de la piano e mandà en salut d'afecioun a tuci aqui que ente i aute valade preiquen coumo nous.La nosto lengo i'es ben pauro da pê al prouvençau, ma dal mouuent que tuci i patouà di valade alpine soun empauprés e i se smeen ben prou al prouvençau, creién que lou noste preicà vale co qarcoso e al sibi nin un di pu despressà.

Sabén nin coumo vai que ente toute i valade di mountagne lou preicà es scasi l'istess, dal moument qu'ià bele d'gun passage da uno a l'auto. Ma anén nin sercà! Nous sen countent d'acò, perqué parei nousiauti de mountagno se sentén tuci unì, tuci fraire e fourmén na grando famiho. La pu grosso, e magaro la souléto  riquesso d'aquesto famiho es propi lou noste paure patouà.

E vous que lesé, e sé nin di nuèsti, fé d'na modo de capinou!