Vèn vite 'me mi,

ven vite,

dran que lou jour

s' en iàne de nous....

Deslìo tes tresses

disciausso ti pé,

qu'ai sio carésso

toun pas,

coumu danso suegnanto,

creaturo

embrinà de soulěi.

Vèn vite. As ouvì?

De l'arbou entoursùs,

de l'auro

qu'i s'apaiso jomes,

de la téro

fiourìo pre nous

tramolo din l'èr

la ciansoun do toujour.

Estounàs...

embrassàs

coumo l'erbo a la tèro,

ouvirèn

ço que cianto Varacio

en coulant,

en coulant entr'es pèires.

Ascouto

sa vouas tramoulanto

sèmèio qu'i muère,

qu'i veno pu raro

e i nous parlo, nous parlo...

As ouvì? De na fìo

sbabuèio

de sa nouvelo foulìo,

l'ai ouvilo,

Varacio,

ciantar su toun bor,

de na fiour

pintrà de soulei,

su toun aigo ravìo,

l'ai visto quinà...

e de nebies

qui se guìncioun

din toun mirài,

Varacio,

coumo toun aigo libres

e coumo l'auro

que nous caresso.

Vèn vite

dran que lo jour

s'en iàne de nous.