Na vinco n'ome èro anà veià, e al venìo a caso de nuéc. Coumo es arubà su s'en pra al mità de la vio à vist na ciabro en pasturo e quiel al à mbrincà e al à stacià coun na courdéto per menaslo a caso. Ma la ciabro i voulìo nin

ciaminà. Quiel al se l'es pià si spale, ma pu a l'anavo, pu la ciabro i pesavo. Al ne pouìo pu e qouro es arubà d'nan caso, à bramà a sa fremo de durbì l'uis fitou.  Sa fremo i'à dubert e l'ome campo maq pu la bèstio en téro e quiei

vai drécio a stremasse zout dal liéc. Lour alouro se soun cougià. Ente la nuéc àn summià que na fremo coun i piote de ciabro taiavo i ureie ai vacce ente la vòuto. La matinà, quoro i se soun levà, an vist zou dal liéc na fremo al post de la ciabro.