M'arcordou di biei journ d'istà, couro mi touciavou i vace en pasturo. I menavou ent en bèl suèli, oumbrejà de bèoule tramoulante. Mi me setavou su se en mourret, dapê dal cian, beicavou lou soulei calà pian pian dareire de la creste e pensavou: "Ent al anarè? Magaro a sciaudà de mountagne pu haute e pu

drece di noste, de montagne bèle como i Douloumiti, coun de pianure grande ent ar mes..." Sméio nin vêr coumo venìo fitou l'ouro d'anà a caso: touciavo que laisesse i miei pensìe e butesse i vace per la vio. Denan que avìou fenì de enquiaule, èro nuéc e ièro da pensà a n'auto meravìho: quelo de la luno e di stele.