Pouèsio dal noste Natal de mountagno, pourtà ent-i ghieise di pais e di ville.Aven tengù i Rapresentacioun sacre lou matin de Natal a Sancto Luçio, lou giourn de l'an a Sen Pìe en Val Grano e lou séro al Dom de Couni.La diamengio d' apres a Boves.I ghieise èrin scure e pine de gent, quarcun avio i grime a i'uéhi.E nous,ent al mes de touto achelo gent, pensaven a noste pais.

Aven denà i noste coumedie a Couni,a Sarvascio, a Berness,a Pasquièro, a Demount, a Boves. Aven dic i noste pouèsie en patouà dnan al publiq, que i nous scoutavo en pau stounà, ma prou amusà.Venien a caso qu'i'ère i stèle aute e grande en cièl e la vio èro bianco al quiar de luno.Que pauso,que pas, apres de tanti tapage, de tanti batibùhi!