franco-provenzale

COUMUN D’ALPËTTE

SITA’ METROPOULITANA ËD TURIN

Deliberasioun dlou Counsei Coumunal n. 36 dlou 12/12/2020.

ADEZIOUN DLOU COUMUN ËD SERIZOLËS REAL A L’UNIOUN MOUNTANA GRAN PARADIS - APROUASIOUN

LOU COUNSEI COUMUNAL

A espoun laproposta ëd deliberasioun lou Sindic;

Richamà la deliberasioun dlou Counsei Coumunal n. 5 dlou 23 Mars 2013, ezecutiva a li sens ëd lejje, oujet: “Eserchise souchà e couourdinà ëd founsioun e servise. Coustitousioun dla Unioun Mountana ëd Coumun denouminà Gran Paradis” - Atto Coustitoutif e Statut – Aprouasioun dispouzisioun counsegouent”;

coun la cal ou sont shà, a lou midem tëns, aprouà l’Atto coustitoutif e lou Statut dla Unioun Mountana Gran Paradis fourmà otreque da sto Ent iquì da li Coumun d’Alpëtte, Loucana, Ribourda e Sparoun;

Dà atto que l’Atto coustitoutif dla Unioun Mountana Gran Paradis es shà soutscrit lou 30 Mars 2013 e rejistrà lou 24 Stembër dlou 2013 al n. 1939, Vol. 3, a l’Ajensia dle Intrade – Ufise Teritourial ëd Cournhai;

Richamà la deliberasioun dlou Counsei Coumunal n. 26 dlou 29 Stembër 2020, diquiarà imediatament esegouibël, a oujet: “Aprouasioun nuè Statut dla Unioun Mountana Gran Paradis” coun la cal esshà aprouà lou nöf Statut dla Unioun Mountana Gran Paradis;

Counsiderà que coun la nota prot, n. 3686 dlou 12 Dzembër 2020, l’Unioun Mountana Gran Paradis ouià coumunicà que coun deliberasioun dlou Counsei d’Unioun n. 14 dlou 28 Nouembër 2020, diquiarà imediatament esegouibël, a oujet: “Adezioun dlou Coumun ëd Serizolës Real a l’Unioun Mountana Gran Paradis – Aprouasioun”, ouià aprouà l’adezioun a l’Unioun Montana Gran Paradis dlou Coumun ëd Serizolës Real;

Vist lou art. 1-ter “Adezioun ëd nuè Coumun” dlou Statut dla Unioun Mountana Gran Paradis que rechitat:

1. A l'Unioun mountana pólount aderier atri Coumun que a na coundividan le finalità a l’abbiont li recouisito ëd lejje. L'adezioun a l'Unioun mountana ëd nuè Coumun, deliberà dal Counsei Cumunal coun le proucedure e le majouranse juste per le moudìfique statutarie coun le mideme moudalità, da li cità organo, l’ajiournament dlou Statut dla Unioun.

Ën tli 30 jor da la cumunicasioun a li President dli Counsei coumunai dli Coumun aderent, dl’istanse d’adezioun dlou nuè member, onhe Counsei coumunal a pot esprimer, a majouranse asouluta dli soun coumpunent, lou rifiut dl’ingres dën nöf coumpounent. Se ën Counsei a esprim, ën te stamanre ishì, lou soun rifiut, la prouposta ëd nuà adezioun es nhën prochedibël.

Se li Counsei Coumunai a douveisën nhën pronounchase ën tlou termine scrit joure, lou counsens as ëntënt acouisì.

2. L'adezioun a def prevedre na cóngroua remounerasioun dli coust inisiai afrountà da l'Unioun per l’avvio dle founsioun e dli servise e ou i a ën touiti li cas efet al decoure dlou sucesif ezercise finansiare”.


Acouisì lou parere favourevoul ën ourden a la regoularità tecniqua espres da lou Respounsabël dlou Servise Aministratif e Finansiare,a li sens dlou art. 49,comma1, dlou D. Lgs. n. 18 Os 2000, n.267;



Coun voutasioun, per aousà ëd man, que aià outenhù lou segouent risultà: Present n. 7 – Voutant n. 7 – Vout Favourevoui n. 7 – Vout Countrare n. 0 Astenhù n. 0



DELIBERAT

1) D’APROUAR l’adezioun dlou Coumun ëd Serizolës Real a l’Unioun Montana Gran Paradis a partir da lou 1° Jner 2021;

2) D’INVIAR coubia dlou present prouvediment a la Unioun Mountana Gran Paradis per lou segouit ëd coumpetense;

LOU COUNSEI COUMUNAL

Dop,

Ravisà la nechesità ëd rendre lou present prouvediment imediatament esgouibël;

Vist lou art. 134, comma 4, dlou D.Lgs 18 Os 2000, n. 267 e s.m.i.;

Coun suchesiva e separà voutasioun per aousà ëd man, que aià outenhù lou segouent risultà: Present n. 7 – Voutant n. 7 – Vout Favourevoui n. 7 – Vout Countrare n. 0 Astenhù n. 0

DELIBERAT



3) ËD DIQUIARAR la present delibersioun imediatament esgouibël a li sens dlou art. 134, comma 4, dlou D. Lgs n. 267/2000